“Sabtida
markii la dhaafay, aroortii ee maalinta ugu horraysa ee Sabtida kaddib,
Maryantii reer Magdala iyo Maryantii kale waxay u yimaadeen inay xabaashii
eegaan. Haddaba, bal eeg, dhulgariir weyn ayaa dhacay! Waayo, malaa’igta
Rabbiga ayaa intay samada ka soo degtay oo soo dhowaatay, ayay dhagaxii
dilindilleysay, oo weliba waa ku dul fadhiisatay. Oo muqaalkeeduna wuxuu ahaa
sida hillaaca oo kale, dharkeeduna wuxuu u caddaa sida barafka oo kale. Kuwii
ilaalada ahaana cabsi iyada ka qabeen darteed ayay la gariireen, waxayna
noqdeen sida dad dhintay oo kale. Balse malaa’igtii iyadoo jawaabaysa, waxay
dumarkii ku tiri: ‘Waa inaydaan baqin, waayo, waxaan ogahay inaad raadinaysaan
Ciisihii saliibka lagu qodbay. Isagu halkan ma joogo, waayo, waa sarakacay,
siduu yiri. Bal kaalaya oo eega meeshuu yiillay. Haddaba intaad dhaqsi u
baxdaan, u soo sheega xertiisii inuu kuwii dhintay ka soo sarakacay, iyo inuu
imminka Galili idinka hortagayo; halkaas ayaad isaga ku arki doontaan. Bal
ogaada, waan idiin sheegayee.’ ”-Matayos 28:1-7
Boqoradda jannadooy
(xilliga Baska)
Reyree, boqoradda
jannadooy, halleluuya.
Waayo kii aad
istaahishey in aad siddo, halleluuya,
wuu sarakacay siduu
ballanqaaday, halleluuya.
Ilaah noo bari,
halleluuya.
+ Reyree oo farax
Maryan cadradeey, halleluuya.
- Waayo runtii Rabbigu
wuu sarakacay, halleluuya.
AAN TUKANNO: Ilaahoow,
adigoo sarakicidda Inankaaga, Rabbigeenna Ciise Masiix, kaga farxiyey dunida;
noo oggolow, waa ku baryeynaa, in hooyadiis Maryan oo cadrad ah awgeed, aannu
gaarno farxadda nolosha daa’imiska ah.
Masiixa Rabbigeenna fadligiisa.Aamiin.
Sharafi ha u ahaato Aabbaha, iyo Wiilka, iyo Ruuxa
Qudduska; siday horraantii ahayd, hadda u tahay, weligeedna ha u ahaato.
Aamiin. (seddax goor)
Happy Easter!!!!.
ReplyDelete